هلاباللي سرق نومي وخلاني سهـير الليل

[ندعوك للتسجيل في المنتدى أو التعريف بنفسك لمعاينة هذا الرابط]

هلاباللي سرق نومــي وخلاني سهـــير الليل
هلا بك كثر ما خيم علينا الليل بسكــونه

هلا بك وان بغيت الصدق مشتاق اللقا بك حيل
عليك من الوله قلبي حزين ويعزف اشجــونه

أحبك كبر هالعالم ومن فرقاك ذقت الويـــل
ياليتك ترجع لخلك تشوف الشوق بعيـــونه

أحسك في سما عمري تنور مثل نجم سهيل
بدونك ينطفي ضوي واعيش الليل بجنــونه

سقى الله يوم انا وياك نبكي والدموع تسيل
سقى الله قلبك الوافي وكيف اعيش من دونه

حبيبي والله ان قلبي يشيل الشوق يمك شيل
دخيلك ارجع وخيب هقاوي الليل وظنــونه